green day

1987 ham da Billie Joe und sei Schulfreind Michael Ryan Pritchard und da John Kiffmeyer aus Berkley in Kalifornien die Punk-Rock-Band „The Sweet Children“ gründt. Voa dem erschten Album, des außebracht ham, hams' se si umgnennt. Und zwor in den Namma „Green Day“. 1988 ham die mit de „Lookouts“ a Konzert gspuit. Der war vo dene begeistert und wollt mit seim Label an Plattnvatrog bei Lookout! Records.
1989 kummt aaf Lookout! Records die EP 1000 Hours. Späder kumma dann des Album 39/smooth und die EP Slappy. Die wern dann zamgfasst und zum Album 1,039/Smoothed Out Slappy Hours gmacht. Da Kiffmeyer geht aus da Band, damit der si um seine Dochter kümmern ko. Nachfolger is da Tré worn, der scho bei de Lookouts gspuit hod. 1992 bringa Green Day des zwoate Album auße, wos Kerplunk! hoast. Die Plattn hod si in de USA 680.000 Mal verkafft und hod Platin-Status griagt.
Wega dem Erfolg is as Major-Label Warner aaf die aufmeaksam gworn. Und dann sans beim Sublabel Reprise Records unta Vatrog gnumma worn. 1994 bringas as dritte Album Dookie ausse. Des hod dazu beitrong, dass des Punk-Revival eigleit worn is, und den Mainstream zu bugsiern. Des Album hod wöltweit an groußen Erfolg und erreicht Diamanten-Status. Die ham Singles aus den Album dann außebracht und zwor: Basket Case, Welcome to Paradise, She, When I Come Around und Longview. In dem gleichem Joar is Green Day bei Woodstock II aaftredn.
Des 1995 erschienene Album Insomniac verkafft si in de USA wega dea Bekanntheit recht guad. Erreicht Doppel-Platin-Status mit 1,9 Milliona verkafftn Alben, ko jedoch net an den Erfolg vo Dookie oknüpfn.
Des 5. Album Nimrod erreicht ebnfalls Doppel-Platin-Status. Des is vüllfältig und enthält a Songs, die mit da akustischn Gitarr gspuit san. Die Singles warn Redundant, Hitchin’ a Ride, Nice Guys Finish Last und Good Riddance (Time of Your Life). Good Riddance (Time of Your Life) is a Gitarren-Ballade, die heitzuadog no aaf Hochzeiten in de USA gspuit wiad.
2000 is Warning erschiena, welches si blos oa Million Mal verkafft hod. Mit dem Album kummts zum Stilwechsel vo da Band. Die san von Punk abgwichn und san in den Songwriter- und Rockbereich kumma. Die Singles worn: Minority, Warning, Waiting und Macy’s Day Parade. Nach Warning kummts zum Zambruch vo da Band, weil koana mehr mim andern eiverstandn wor. Da Billie hod sogar dacht, dass er alloa weida mocha soll.
Nach am Best-of-Album (International Superhits, 2001) und oana B-Seitn-Compilation(Shenanigans, 2001) möldn sich Green Day mit dem Album American Idiot zruck. American Idiot is a Rockoper und verkafft si bis etzad 14 Milliona Mal. Single-Auskopplungen sind American Idiot, Holiday, Boulevard of Broken Dreams, Wake Me Up When September Ends und Jesus of Suburbia.
Green Day han bei die MTV Video Music Awards in åcht Kategorien nominiat worn und ham dann siem vo de begehrtn Trophäen abgrammt. Unter anderm für as beste Video vom Jahr, as beste Video vo männliche Musikstars und as beste Rockvideo. Am 5. Februar hans bei die European Music Awards auftredn und ham da a glei zwoa Preise gwunna: as beste Album vom Jahres und als beste Band vom Joahr.
In zwoa Kategorien håm die Leser vo Kerrang! und Kerrang.com Green Day ois de Ungschlonga gwäit. Etzad derfas sie si a Best Live Band nenna und Best Band on the Planet.
Green Day bringa nach dera oan DVD (International Supervideos) die zwoate DVD auße. Die DVD hoast Bullet in a Bible und zoagt as gresste Green-Day-Konzert bei dems in Milton Keynes an zwoa aufananderfolgenden Tagen vor 130.000 Leid gspuit ham. Des zoagt a Ausschnitte ausm Tourlem und a bor Interviews. Des ganze Zeit is nummal ois Audio-CD wiadaglegt.
Zuazeit nimmt die Band aber a Auszeit und se werkln an am neien Album.
2006 hams a Single mit U2 aufgnumma (The Saints Are Coming). Etzad nehmas a Liad auf zu dem Simpsons-Movie.
2008 hams als de „Foxboro Hottubes“ a weng a andane Musi gmacht. Und 2009 hams eana neis Album „21st Century Breakdown“ rausbracht.

Wissenswerts [dro werkln]

Green Day leidet si vom Slangbegriff fir an "Dog (Day) voi mit Langweile" ab. Und Green steht fir Gras (Green). Des hoast, dass des a Dog voller Langweile is und ma versuacht den mit Gras-Raucha doudzumschlong. Green Day is a sehr beliebte Live-Band, dafir hams a an Preis griagt. Da Frontmo Billie Joe Armstrong animiert as Publikum imma wiada mit seim "Heeey ohhh!".